Content
Celtic Culture: A Historical Encyclopedia - 5 Volumes
![Holder Image](/sites/uw/files/styles/media_component_3_4_sm/public/2023-11/Holder%20Image.jpg?h=0eade52c&itok=7HhMFK6R)
Awdur/Golygydd | John T. Koch |
Cyhoeddwyd | 2006 |
ISBN | 9781851094400 |
Cyhoeddwr | ABC-CLIO |
Pris | £354.00 |
Maint | 285 x 220 mm, 5 cyfrol/volumes |
Fformat | Clawr caled/Hardback, 1538tt./pp., 367 o ddarluniau/illustrations |
Bwriadwyd y Gwyddoniadur hwn, sy’n ffrwyth prosiect ymchwil pum mlynedd yn y Ganolfan, ar gyfer pawb sy’n ymddiddori ym maes astudiaethau Celtaidd yn ogystal â’r rhai sydd â diddordeb mewn meysydd cysylltiedig ac atodol, gan gynnwys y gwledydd Celtaidd unigol, eu hieithoedd a’u llenyddiaethau, eu harchaeoleg a’u hanes, eu chwedloniaeth a’u mytholeg. O ran ei gwmpas cronolegol, y mae’r Gwyddoniadur yn ymdrin â phynciau sy’n ymestyn o gyfnodau Hallstatt a La Tène yng nghyfnod cyn-Rufeinig diweddar Oes yr Haearn hyd ddechrau’r 21ain ganrif. Yn ddaearyddol, yn ogystal â chynnwys gwareiddiad Celtaidd Iwerddon, Prydain, a Llydaw (Armorica) o gyfnod yr henfyd hyd y presennol, cynhwysir hefyd Geltiaid Gâl, Iberia, a chanolbarth a dwyrain Ewrop, yn ogystal â Galatiaid gwlad Twrci heddiw, a dilynir y Celtiaid i gyfandiroedd America ac Awstralia. I’r rheini sy’n ymddiddori’n bennaf yng Nghymru, ei hiaith a’i llenyddiaeth, ymdrinnir â’r meysydd hynny’n fanwl o fewn eu cyd-destun ehangach.
- 5 cyfrol
- 1,500,000 o eiriau
- 2,128 o dudalennau + lviii (fformat: colofn ddwbl, 8-1/2 x 11 modfedd)
- 1,569 o erthyglau, yn amrywio o ran eu hyd o 100 i dros 10,000 o eiriau, sy’n ymdrin yn fanwl â maes astudiaethau Celtaidd ac wedi eu cydgysylltu drwy gyfrwng croesgyfeiriadau ym mhob erthygl
- llyfryddiaeth yn cynnwys 10,000 o eitemau yng Nghyfrol 5
- 367 o ddarluniau
- 59 o fapiau
- 338 o gyfranwyr sy’n arbenigwyr ym maes astudiaethau Celtaidd ledled y byd
- Ar gael mewn print ac fel e-lyfr
Gellir archebu’r cyhoeddiad hwn ar-lein o: gwales.com